“Hindi krimen kung magpahinga ang Pangulo” – Chiz



Ayon kay Senador Francis “Chiz” Escudero, Hindi naman krimen ang magpahinga o magbakasyon si Pangulong Rodrigo Duterte.

Ito ang nagging pahayag ng senador matapos itong lumiban ng ilang araw sa kanyang mga official engagement.
Ayon sa senador, hindi malaking  isyu para sa kanya ang bakasyon at hindi pagpapakita ni Duterte sa publiko dahil hindi naman krimen at bawal sa isang pangulo ang magbakasyon o magpahinga.

“Hindi krimen ang magbakasyon ang pangulo , hindi porke’t pangulo ka hindi na na puwedeng  magkabakasyon  at magpahinga,” ani Escudero.

Iginiit din ni Escudero na hindi naman nangangahugulan  na kapag nakabakasyon o walang public engagement ang isang opisyal ay  hindi na ito gumagawa ng kanyang trabaho.

“Ang definition ko sa pagpahinga ng pulitiko ay walang public engagement pero hindi nangangahulungan na hindi ka na gumagawa ng trabaho mo,” giit ng senador.

Samantala sinabi ni Escudero na malinaw sa Konstitusyon na kapag malubha ang karamdaman ng isang Pangulo ay dapat ilahad ito sa publiko.

“Maliwanag ang probisyon ng Konstitusyon at ito’y alam ng mga nakapaligid sa Pangulo na kapag seryoso ang karamdaman ng pangulo ay dapat  ipagbigay  alam iyan sa publiko. Ngunit kung ordinaryong  sakit at  hindi seryoso ay hindi na  kailangan ipagbigay alam sa publiko,” ani Escudero.

Giit ng senador, sa kanyang nakitang litraro ng Pangulo ay wala naman umano itong malubhang karamdaman.



Source:  Abante Tonite

1 comment:

  1. Sira ulo ka Escudero! Go to Marawi and see. . .

    ReplyDelete

Powered by Blogger.