“Hindi ako naghahamon, pero huwag akong hahamunin, kasi di ako uurong.”

Photo from PEP

Kamakailan ay naging viral ang video ng aktres na si Elizabeth Oropesa, kung saan naglabas ito ng sama ng loob OPM icon na si Jim Paredes dahil sa pagtataboy nito sa mga kabataan sa EDSA ganoon narin ang pagbabatikos ni Paredes kay Pangulong Rodrigo Duterte.

Sa panayam ng PEP.ph (Philippine Entertainment Portal) sa aktres sa premiere night ng pelikulang Bubog, ayon sa sakanya ay hindi niya umano nagustuhan ang ginawa ni Jim Paredes, bagamat tagahanga siya nito.

Pahayag ng beteranang aktres, “Ako kasi, marunong akong gumalang sa tao.

“Kanya-kanyang karapatan, kanya-kanyang posisyon ang bawat tao.

“Ika nga, kung ang Presidente ko man ay nagmumura, okay lang, kasi alaga niya ako.

“Kaysa naman sa president na di nga nagmumura, wala namang natutulungan, wala namang nagagawa."

Patuloy ni Elizabeth, “Di ko lang nagustuhan yung style ni Jim, kasi fan niya ako.

“Sa totoo, despite our differences, kahit na siya ay di maka-Duterte, never ko siyang inisip na bastusin.

“Nung ginawa niya yun, nabastusan talaga ako sa style niya, kasi inaalipusta nila yung Presidente ko na nagmumura daw.

“E, siya pala yung bastos.

“Kaya di ko natiis na di magsalita.

“Napanood ninyo naman ang video ko.

“Marahan ako saka di ko pa rin siya binastos.

“Sinabi ko lang na, sa tingin ko, bilang senior citizen na tulad ko, mali yun. Hindi dapat.

“Yung posisyon namin sa buhay na pare-pareho kaming mga artista, na medyo mataas naman ang posisyon sa pelikula and being an artist, hindi dapat umarte nang ganun."

Hindi pa raw sila nagkikita pagkatapos ng isyu sa pagitan nila.

Pero aniya, “Nagkatotoo lahat ng sinabi ko, ang daming nagbanta sa kanya. Ang dami talaga.

“Di ba, sabi ko, 'Mag-iingat ka, ang daming gustong gumanti sa 'yo.'

“Ako, wala akong balak na gumanti sa kanya.

“Hindi na kailangan, sapat na yung mga sinabi ko."

Tila babala pa ni Elizabeth, “Hindi ako naghahamon, pero huwag akong hahamunin, kasi di ako uurong.”

Source: PEP